Hue, trece de chinero, una delegación internacionalista d'o nuestro sindicato fa part d'a manifestación per los dreitos d'os presos, refuchiaus e deportaus vascos convocada per Sare a Bilbo.
Como toz los anyos, la ret ciudadana en defensa d'os dreitos humanos d'os presos, exiliaus e deportaus vascos convoca una manifestación nacional a Euskal Herria pa demandar la fin d'as politicas d'excepción. Estianyo se fa baixo lo lema Konponbiderako Giltzak —claus pa la resolución—.
En o manifiesto, que hemos firmau, la organización fa servir la clau como metafora que permite zarrar definitivament las feridas d'o pasau e ubrir las puertas enta un futuro de convivencia e paz an se reconoixca la dignidat de totas las victimas e que sigan respetadas.
Manimenos, encara que la voluntat d'a sociedat vasca ye firme, gosa tornar-se complicau fer-lo perque, encara hue, a sobén los dreitos d'os presos, refuchiaus e deportaus son vulneraus con altras politicas d'excepción, ecara que l'anyo pasau, dimpués de muitas decadas, acabase a la fin la dispersion d'os presos.
Dende lo SOA-STA, como internacionalistas, femos nuestra e secundamos la suya luita.
Euskal preso, errefuxiatu eta deportatuak etxera!
No hay comentarios:
Publicar un comentario