(ARAGONÉS)
Lo pasau 18 de febrero la nuestra bozera Nazional, Asun Gulina, signaba lo convenio con o gubierno d’Aragón pa garantizar e normalizar sozialment l’uso d’as lenguas propias d’Aragón. Soa en los suyos más de 20 años d’istoria lo ha feito e lo fará perque forma parte d’o nuestro ADN como organizazión dende lo nuestro naiximiento.
Dende SOA nos chuntamos a la zelebrazión d’o día internazional d’a lengua materna, declarau per la unesco en noviembre de 1999, con l’obcheto de protecher la diversidat lingüistica en o planeta. Se trigó este día en conmemorazión d’as muertes de dezenas d’estudians durán las protestas que en defensa d’a lengua bengalí, fenezioron a mans d’a polizía pakistaní en 1952.
Aragón no ye alleno a los prozesos de globalizazión que, durán las zagueras decadas, nos son levando a una progresiva uniformidat cultural e economica e per tanto periglar muitas lenguas minoritarias. E con lenguas minoritarias nos referimos a totas aquellas que perviven sinse apoyo instituzional no pedadagochico, parladas en o seno familiar, transmitíndo-se de pais a fillos muitas vezes inmersos en un ambito lingüistico de una lengua mayoritaria diferén. Pachinas como endangeredlanguages.com nos amuestran cuantas lenguas en periglo existen en lo nuestro planeta. Seguntes este proyecto, una d’as nuestras lenguas propias: l’aragonés, ye una d’as lenguas maternas més amenazadas d’extinzión. Si no la cudiamos, si no se li da Apoyo per parte d’as instituzions e s’incorpora a l’orario lectivo en colechios e institutos, corre un serioso risgo de disapereixer e con ella una part de nusatros, d’a nuestra historia e tradizions, de las nuestras radizes.
Perder l’aragonés ye perder una part de nusatros, un mallazo a la diversidat e a la riqueza cultural que deberíanos reconoxer, potenziar, normalizar e preservar. Per ixo dende SOA emos quiesto colaborar, con a signatura d’o convenio, con os esfuerzos que dende la Direczión Cheneral de Politica Lingüistica se’n son realizando pa visibilizar esta realidat, en os nuestros més de 20 años de vida siempre emos contau con a nuestra realidat trilingüe e emplegau de manera fluida as nuestras lenguas en a nuestra organizazión, tanto dintro como fuera, asinas como creyau estructuras de luita e reivindicazión per la dignificazión d’as nuestras lenguas.
No ye nuevo pa nusatros e nusatras la defensa d’as nuestras lenguas e la realidat trilingüe d’o nuestro país. Evitemos que esta realidat disapareixca e leguemos a las nuestras fillas e fillos la riqueza cultural que se mereixen.
No deixez morir a mía voz!
