Lo SOA no más entiende lo suyo activismo aragonesista, soberanista e de
clase baixo las ideas d’o comunicau que publicamos aquí mesmo:
Somos Pueblo. Somos clase treballadera. Somos personas que luitan e se comprometen con un país como lo
nuestro y lo femos dende lo espacio
sindical. Huei ye o 23 d’abril, Día Nacional d’Aragón e per ixo queremos
recordar que la sobiranía no te la dan.
Se gana día sin d’atro. Ixo en SOA lo
sabemos prou bien.
Per ixo luitamos cuentra
los mega parques de renovables que, naxius fruito de la corrupción, almacenando-ne electricidad pa
mandar-la a nacions foranas, como tamién lo fan los parques de datos que estricallan lo territorio e lo paisache, gratuitament,
e sin garra tipo d’escrúpol. U
cuentra Yesa, Mularroya y Biscarrues obras que retratarán a muitos dintro d’uns
anyos y no fan que destruir lo Pais.
Luitamos pa que cese la violencia masclista en totas
las suyas formas, con ixe patriarcau que afoga e oprime a las mullers. Per
la oficialidat d’as nuestras lenguas, empentaremos dica que
ixe dreito siga una realidat. Cuentra los desfiuzamientos, que han
d’aturar-se e a favor d’a expropiación forzosa de los que quieren espicular con
un tema tan vital.
Per unas Relacions Laborals Propias e acordes con o nuestro lechitimo dreito a decidir y que
pasa per la aprobación de lo Marco
Aragones de Relaciones Laborales (MARL). A la finitiva, cuentra la
espanyolización d’Aragón e cuentra los complices que se disbrazan con
a “cuatribarrada” e només sirven a los intereses d’o capital.
Per ixo i ha un goteyo de movilizacions variadas en os zaguers meses. Lo
sistema se creba e no ufre solucions aceptables, a no estar que formes part
d’os oligopolios de siempre. Los mesmos que tienen Aragon “engarcholau”, gracias a los poders facticos, mediaticos
e a un gubierno colonial inepto, per acción u omisión. Arriba
lo momento de levantar-se e empuixar.
Somos las mullers que luitan cuentra las inchusticias. Los obrers que se
deixoron la piel en piquez e vacas. Las activistas que no reblan en o suyo día
a día. Los paisanos que defienden lo nuestro medio rural. Somos UN PAÍS
que necesita SOBIRANIA.
#23Abril #NoReblamos #AragonLibre
No hay comentarios:
Publicar un comentario